علق المنتج محمد العدل على ردود الفعل والهجوم على الفنان محمد صبحي بعد انتشار فيديو له مع سائقه.وكتب العدل في منشور عبر موقع التواصل الاجتماعي فيسبوك: «بقت قلوبكم غليظة، وقساه، والترند عندكم أهم من اى حاجة برغم ان موضوع محمد صبحى خد اكتر من حجمه وما كنتش احب اتكلم فيه».
وأضاف: «لكن لما تقول لى لازم يراعى سن السائق انتوا كمان راعوا سن محمد صبحى اللى اكبر من السائق وقد قارب على الثمانين وراعوا ظروفه الصحية، وراعوا ان فيه ناس لازقة الموبايل فى وشه وبتصوره وهو متنرفز وراعوا انه اتصل به ولم يرد، وكلم حد يشتكى انه مش عارف يوصل للسواق».
واختتم بقوله: «وفى الاخر خد العربية ومشى ولم يقل للسائق اجرى ورايا، هو اللى جرى ورا العربية، لقمة عيشه صحيح و من حقه بيتشبث بها، لكن هو اللى غلطان مش صبحى، والا إدانة اى فنان بقت هى اللى بتجيب الترند؟».
أصبح اسم الفنان محمد صبحي تريند الساعات الماضية بعد تداول مقطع فيديو يظهر فيه وهو ينفعل على سائقه الخاص أثناء خروجه من حفل تكريمه بمهرجان آفاق.
بدأت القصة بتجمهر شديد من الجمهور والمصورين حوله، ما جعله غير قادر على الحركة والوصول إلى سيارته.
وعندما وصل بصعوبة، لم يجد السائق في مكانه، فدخل في حالة غضب، أخذ مفاتيح السيارة وقادها بنفسه ، بينما كان السائق يجري خلفه للحاق به
