ذكرى أليمة، ماس رحيم تحيي ذكرى وفاة والدها الأولى

أحيت المطربة الشابة ماس ابنه الملحن الراحل محمد رحيم ، الذكرى الأولى لوفاة والدها وذلك عبر حسابها الشخصي على موقع التواصل الاجتماعي إنستجرام.

وكتبت : فكرت كتير في الكلام اللي نفسي أقوله النهارده، واللي عارفاه كويس أوي إنه هيوصلك وهتحس بيا عشان اللي بيني وبينك مكانش وعمره ما هيكون في الأرض وانتهى عليها وبس، يمكن بقالي 3 شهور بحاول أجمع كلامي وبقالي سنه بحاول أصدق، أنا بقيت أدور عليك في تفاصيل عمري.

وأضافت: بدور على صوتك في كلامي وملامحك في مرايتي وفي وشوش إخواتي وأهلنا، كل ما بتوحشني يا بابا بتفرج عليهم وبشوفك فيهم كل كلامك يهمني، وأي حاجه كانت بتيجي في بالك ولو ثانيه كانت بتشغل تفكيري ويمكن عشان كدا أنا مش بنسى.

وأكملت: أنا كنت بشوف حركاتك وتعبيراتك ومش بعيوني وخلاص أنت ليك مكان خاص جوه قلبي، وكل ما أفتكر ذكراياتنا وأرجع للماضي، من كتر إحساسي بيك، بحس إن اللحظة لسه عايشه ولسه بنتمشى في الشارع وأنا بغني بصوت عالي، عشان أنا وهارتي نضحك ونتكسف وأنت تضحك على رد فعلنا، أنا فقدت روحي ونفسي وإحساسي وإدراكي وشغفي، لما أنت مشيت، ولكن كل مرة بفتكرك فيها واللهِ واللهِ بيرجعولي تاني، ولو حد عايزني في حاجة بجد يحلفني بعيونك.

واختتمت: ذكرى أليمة بتوجعني وبتحطمني ولكن كفايه عندي إني بفتكرك أنت، ورب العالمين رزقني بيك وخلاني بنتك وخلى حبك في قلبي كبير كدا، عشان توحشني أوي، ادعو لـ قلبي بالرحمة والمغفرة.

وفاة الملحن محمد رحيم

كان قد تعرض الملحن محمد رحيم، قبل وفاته بعدة أشهر إلى أزمة صحية مفاجئة حيث أصيب بذبحة صدرية دخل على إثرها المستشفى لإجراء عملية مفاجأة وذلك في شهر يوليو الماضي، ولكن بعد أيام قليلة عاد محمد رحيم لممارسة حياته بشكل طبيعي، وطمأن جمهوره على صحته عبر حسابه الرسمي.

آخر أعمال محمد رحيم 

وكان آخر أعمال الملحن محمد رحيم قبل وفاته أغنية “الذوق العالي” التي يغنيها محمد منير وتامر حسني، والتي تم تصويرها قبل وفاته . كما تم طرح أغنية “بنطلون جينز” بصوتِه بعد وفاته مؤخرًا. بالإضافة إلى ذلك،  أغنية الدعائية  من فيلم  “الشاطر”