ريهام سعيد تثير الجدل برسالة غامضة: “التقليد مش هيعمل منك نجم”

أثارت الإعلامية ريهام سعيد موجة واسعة من الجدل على مواقع التواصل الاجتماعي بعد نشرها رسالة غامضة تحدثت فيها عن ظاهرة تقليد الشخصيات الإعلامية الشهيرة، في إشارة فسرها المتابعون بأنها موجهة لأحد مقدمي البرامج الذين يحاولون السير على خطى الإعلامي عمرو أديب.

عبرت ريهام سعيد في منشورها عن استيائها من التقليد الأعمى، مؤكدة أن “النجاح الحقيقي لا ينسخ، وأن الصورة مهما كانت متقنة لن تصنع تاريخًا”، مضيفة أن “النجم نجم، والمقلد سيظل مجرد ظل باهت للأصل”.

ريهام سعيد:النجم نجم و المشخصاتي اللي بيقلد هايفضل طول عمره فيك

“لو حبيت تقلّد عمرو أديب فنقلت برنامجه، وخرجت خارجي، ونزلت على ركَبك تعمل إنترفيو، وغطّيت نفس المواضيع، ولبست نفس اللبس، وقعدت نفس القعدة، وعيّطت على الهوا، ونقلت البرنامج بالفريم… لو حصل إيه، عمرك ما هتبقى عمرو أديب، كل حاجة ليها أصل وصورة، والصورة تجيب مشاهدات بس ما تجيبش نجاح ولا تكتب تاريخ”.

النجم نجم، والمشخصاتي اللي بيقلّد هيفضل طول عمره فيك وغلبان.
هتفضل اسمك الراجل اللي بيقلّد عمرو أديب.
مبسوطة أوي أوي إني شايفة تقليد أعمى كتير مبالغ فيه، بس والله العظيم مجهود على الفاضي.
صعبانين عليّ، بس شعور حلو إن الدنيا كلها بقت ماشية وراك وزيّك، ومستنيين إشارة منك عشان يشوفوا هيشتغلوا إيه وإزاي”.