ليلى علوي لـ الأيام المصرية: المتحف الكبير فخر لكل مصري وعربي

المتحف المصري الكبير، عبرت الفنانة ليلى علوي عن فخرها الكبير بافتتاح المتحف المصري الكبير، معتبرة إياه مشروعًا قوميًا عملاقًا يمثل وجه مصر الحديثة أمام العالم، ويعكس وعي الدولة بقيمة كنوزها الأثرية العظيمة.

في حديثها لـ الأيام المصرية، أكدت أن هذا الصرح الحضاري سيكون علامة فارقة في السياحة والثقافة، وأنه خطوة تعيد الاعتبار لعظمة الهوية المصرية وجذورها العميقة في التاريخ.

وقالت ليلى علوي: “ المتحف المصري الكبير مشروع قومي عملاق، سيكون واجهة مصر الجديدة للعالم كله، أنا بشوفه خطوة جبارة بتدل على وعي الدولة بأهمية كنوزنا وضرورة عرضها بالشكل اللي يليق بعظمة الحضارة المصرية القديمة، ده هيدي دفعة مش طبيعية للسياحة وهيخلي ملايين البشر تيجي تشوف عظمة مصر، هو فعلا فخر لكل مصري وعربي”.

ليلى علوي: الحضارة المصرية بالنسبالي عشق

الحضارة المصرية  بالنسبالي عشق وجزء من هويتي، إحنا بنتغذى على التاريخ ده، أنا طول عمري فخورة إني مصرية بنت البلد دي اللي علمت الدنيا”.
واستكملت: “أكتر حاجة مرتبطة بيها في مصر القديمة، فن العمارة فكرة إنهم كانوا بيبنوا للأبد، والبراعة الهندسية والفنية اللي موجودة في كل حتة، من الأهرامات لحد تفاصيل التماثيل والألوان اللي لسه محتفظة ببهجتها، كل ده بيبهرني وبحس إنه بيثبت إننا أصحاب أصل وجذور عميقة”.

ليلى علوي: الوقوف قدام تمثال رمسيس الثاني شئ لا يوصف

وتحدثت ليلى علوي عن ضخامة الصرح وقالت:” أكتر حاجة هتكون مبهرة هي الضخامة والتنظيم، مجرد الوقوف قدام تمثال رمسيس الثاني في البهو العظيم، والإحساس بإنك بين الماضي والحاضر، شيء لا يوصف”.