تعرض المطرب أحمد باتشان لحادث سير ،حيث نشر أحمد بتشان صورًا للسيارة بعد الحادث، وعلق قائلًا: “يمكن دي أول مرة اتكلم في حاجة زي دي، ودي مش أول مرة، بس حقيقي مبقتش فاهم في اية يعني كل لما ابقي مبسوط شوية و تحصل حاجة كويسة ف حياتي سواء نزول أغنية أو احتفال بعيد ميلادي أو أي مناسبة لازم يحصلي حاجة بعدها، و الحمدلله اللي ربنا بيقدرني عليه بعمله و من غير تفكير و من غير ما اتكلم علي حاجة زي دي عشان دي حاجة بيني و بين ربنا”.
وأضاف : “الحمدلله ربنا نجاني و أنا الحمدلله كويس و الحمدلله أنها جت ف الحديد وانه سترها معايا و ربنا يحفظ الجميع و يبعد عننا أي شر، و الحمدلله علي كل شئ و أنا راضي جدا بكل حاجة بتحصلي، و ده اكيد كرم من ربنا عليا عشان كان ممكن يحصلي حاجة أكبر من كده”.
أحمد بتشان يتخطى 100 مليون مشاهدة في أغنيته الأخيرة
حقق أحمد بتشان نسب مشاهدات عالية، فور طرحه أغنية بعد غيابه، والتي تخطت حاجز 100 مليون مشاهدة على يوتيوب، وغيرها من الأغنيات.
كما يعيش بتشان الفترة الحالية حالة من الانتعاشة الفنية، إذ أحيا العديد من الحفلات الغنائية الضخمة في مختلف دول الوطن العربي مثل الكويت والسعودية والإمارات وغيرها.
وكان طرح بتشان مؤخرا مجموعة من الأغاني، منها: أغنية بعد فراقك من كلمات محمد عاطف، ألحان مدين، توزيع نادي حمدي، وأيضا أغنية زي القمر من كلمات الشاعر ملاك عادل، ألحان مدين، توزيع أحمد حسام وإلهامي دهيمة.
